Një nga sektorët që ka goditur më së shumti pandemia e koronavirusit, është padyshim ai ekonomik.

Mbi këtë po flitet në studion e emisionit “Open”, ku e ftuar është ministrja e Financave dhe e Ekonomisë Anila Denaj.

Sipas saj, vendi po jeton në një moment emergjent, e buxheti sipas Denajt duhet projektuar si i tillë. Ajo tha se një pjesë e buxhetit të vitit 2021 është vendosur në funksion të sistemit shëndetësor, investimeve të pa përfunduara, duke shtuar se gjithashtu gjatë kësaj periudhe janë ulur 4.5 miliardë lekë nga PPP-të.

“Skenarët negativë që përgatitëm në aktin e parë dhe të dytë normative. Unë i qëndroj shumë fort terminologjisë së emergjencës, sepse menjëherë kalon në një sistem tjetër, ato të PPP, ngrihen, kemi ulur 4.5 miliardë lekë nga PPP-të. Një pjesë e buxhetit Ka shkuar për rindërtimin dhe për të përfunduar punë që kanë mbetur përgjysmë. Mund të jetë një situatë që nuk ka të bëjë me mbyllje ekonomike”, tha Denaj.